தொடர் விலை ஏற்றத்தில் தங்கம் விலை … நகை ப்ரியர்கள் அதிர்ச்சி!

தங்கம் விலை கடந்த சில நாட்களாக தொடர்ந்து ஏற்ற இறக்கங்களை சந்தித்து வரும் நிலையில், இன்று மீண்டும் விலை உயர்ந்துள்ளது. நேற்று சவரனுக்கு ரூ.400 அதிகரித்த நிலையில், இன்று சவரனுக்கு மேலும் ரூ.160 உயர்ந்துள்ளது. இதனால் நகை வாங்க திட்டமிட்டுள்ளவர்கள் அதிர்ச்சி அடைந்துள்ளனர்.

சென்னையில் இன்று (ஆகஸ்ட் 18) “ஒரு சவரன் ஆபரணத் தங்கம் ரூ.1,14,320-க்கு” விற்பனை செய்யப்படுகிறது. நேற்று “ஒரு சவரன் ரூ.1,14,160-க்கு” விற்பனையான நிலையில், இன்று ரூ.160 அதிகரித்துள்ளது. அதேபோல், “ஒரு கிராம் தங்கத்தின் விலையும் ரூ.20 உயர்ந்து ரூ.14,290” ஆக உள்ளது.

கடந்த சில மாதங்களை பார்க்கும்போது தங்கம் விலையில் பெரிய அளவில் ஏற்ற இறக்கம் ஏற்பட்டுள்ளது. இந்த ஆண்டு பிப்ரவரி 28-ஆம் தேதி தங்கம் விலை வரலாறு காணாத அளவுக்கு உயர்ந்து, “ஒரு சவரன் ரூ.1.34 லட்சம்” வரை சென்றது. அதன் பின்னர் விலை படிப்படியாக குறையத் தொடங்கியது. சுமார் 5 மாதங்களில் சவரனுக்கு ரூ.30 ஆயிரம் வரை விலை குறைந்ததால், நகை வாங்க காத்திருந்தவர்கள் ஓரளவு நிம்மதி அடைந்தனர்.

இதன்பிறகு தங்கம் விலை ஒரு கட்டத்தில் ரூ.1.20 லட்சத்தை தாண்டாமல் ஏற்ற இறக்கத்துடன் இருந்து வந்தது. சர்வதேச சந்தை நிலவரம், பொருளாதார மாற்றங்கள் மற்றும் உலக நாடுகளுக்கு இடையிலான பதற்றமான சூழல் உள்ளிட்ட காரணிகளும் தங்கத்தின் விலையில் தாக்கத்தை ஏற்படுத்தின.

ஆனால் ஆகஸ்ட் 5ஆம் தேதிக்குப் பிறகு தங்கத்தின் விலை மீண்டும் வேகமாக உயரத் தொடங்கியது. தினசரி விலையில் மாற்றம் ஏற்பட்ட நிலையில், கடந்த சில நாட்களாக சவரன் விலை மீண்டும் ரூ.1.14 லட்சத்தை கடந்துள்ளது.

நேற்று தங்கம் விலை “ஒரு சவரனுக்கு ரூ.400 உயர்ந்து ரூ.1,14,160-க்கு” விற்பனையானது. ஒரு கிராம் தங்கம் ரூ.50 அதிகரித்து ரூ.14,270-க்கு விற்பனை செய்யப்பட்டது. இன்று மீண்டும் விலை உயர்ந்துள்ளதால், தங்கம் வாங்க காத்திருப்பவர்களின் கவனம் அடுத்தடுத்த நாட்களின் விலை நிலவரத்தை நோக்கி திரும்பியுள்ளது.

வெள்ளி விலையில் இன்று எந்த மாற்றமும் இல்லை. சென்னையில் ஒரு கிராம் வெள்ளி நேற்றைய விலையான ரூ.255-க்கே விற்பனை செய்யப்படுகிறது.

தங்கம் விலை தொடர்ந்து உயர்ந்து வரும் நிலையில், வரும் நாட்களில் சவரன் விலை மேலும் அதிகரிக்குமா அல்லது மீண்டும் சரிவை சந்திக்குமா என்பது நகை பிரியர்கள் மத்தியில் எதிர்பார்ப்பை ஏற்படுத்தியுள்ளது.